CÒR D'ÒMES DE BIGÒRRA
disques

tiò


ligams


cap aus sorelhs


adara


d’aigas et de ròcas


vias deths aires
site propulsé par spip
nous
lire en français
Pascal Caumont

Cantaire, compositor, qu’ei un deus gavidaires plan reconegut deu cant occitan e de las polifonias deus Pirenèus e d’Euròpa deu Sud. Mia lo còr professionau d’òmes VOX BIGERRI.

Gessit d’ua linhada de musicians populars de Gasconha e deus Pirenèus Catalans, qu’ei estat format de joen enlà a las musicas hèstivas ibericas practicadas en Gasconha. Enlobat peu son de la polifonia, la sua vibracion, la sua libertat musicau e lo son contèxte sociau, que s’ei escajut au Certificat d’Aptitud en musicas tradicionaus en 2001, diplòmi d’ensenhament deu Ministèri de la Cultura.

Los sués grans mèstes de cants son los carrejaires de la tradicion que colecta en Pirenèus occitans e catalans, en Sardenha e Italia dab la tòca de transméter, de partatjar e de hèr descobrir la lestetat de la votz "naturau " e lo plaser d’ua construccion colectiva.

Actuaument professor aus conservatòris de Tarba ( on gavida lo despartament de musicas de l’oralitat) e de Pau, qu’intervié regularament en Barcelona, Tolosa e Paris en universitats e conservatòris.

Qu’a participat en direccion o en collaboracion a mei d’un vintenat de produccion discograficas en França e en Espanha e qu’ei tanben despuish 2010 director artistic deu Hestau Internacionau de Polifonias « Tarba en Canta ».